Бейне
Фотогалерея
Аккредитациядан өткен БАҚ арналған медиаконтент
Жаңалықтар
EXPO картасы

Медиа-орталық / Жаңалықтар / 2017 / XI «Болашақ энергиясы» Дүниежүзілік саммиті: Қазақстанның ЖЭК саласында әлеуеті зор

Қазақстанның жаңартылатын энергия көздері саласында әлеуеті зор, әсіресе - жел және гидроэнергетикасы бағытында. Бұл туралы Жаңартылатын энергия көздері жөніндегі халықаралық агенттігінің (IRENA) Коммуникациялар бойынша директоры Тимоти Херст XI «Болашақ энергиясы» Дүниежүзілік саммитінде, Қазақстан павильонын тамашалау барысында, мәлімдеді. «Астана ЭКСПО-2017» ҰК» АҚ таныстырған еліміздің павильоны форум ұйымдастырушылары тарапынан жоғары бағаға ие болып, саммиттегі ең үздік павильондардың қатарынан көрінді.

«Дәстүрлі энергия көздерімен салыстырғанда, жел стансалары арқылы энергия қуатын өндіруде қаржылай шығын аз болады. Мұның экономикалық тиімділігін көптеген мемлекеттердің тәжірбиесінен де байқауға болады. Сондықтан, Қазақстан тарапынан осы бағытта дамуды күтеміз. Аймақтарды энергия қуатымен қамтамасыз ете отырып, елдің энергожүйесіне қолдау көрсете алатын шағын гидроэлектростансаларды пайдаланудың да әлеуеті мен мүмкіндігі зор», - деді Тимоти Херст.

Сондай-ақ, WFES Тұрақты даму бөлімінің директоры Наджи Эль-Хададтың пікірінше, «Қазақстан саммиттерге қатысуы арқылы әлем картасында ерекше орынға ие болды және жыл сайын қызықты контент ұсынып келеді. Бүгінде Қазақстан шетелдік инвесторлар мен құрастырушылардың үлкен қызығушылығына ие».

Биыл «Астана ЭКСПО-2017» ҰК» АҚ саммитте «Цифрлық Қазақстан», «Астана» Халықаралық қаржы орталығы, ЖЭК саласындағы көлік-логистикалық инфрақұрылымы және өзге де қызықты жобаларды ұсынды. Айта кетейік, Инвесторлар, әсіресе, «Астана» Халықаралық қаржы орталығына ерекше қызығушылық танытты.

XI «Болашақ энергиясы» Дүниежүзілік саммиті Әбу-Даби қаласында 15-18 қаңтар аралығында өтті. Шараға 175 мемлекеттен 35 000 қатысушы қатысты. Олардың қатарында мемлекеттік құрылым және халықаралық ұйым өкілдері, әлемге танымал ғалымдар мен сарапшылар да бар. Саммитте 20 мемлекеттің павильоны және 650 экспонент-компания ұсынылды. Айта кетейік, Қазақстан павильонының жалпы аумағы 195 шаршы метрді құрады.


Жаңалықтар

БІЗДІҢ СЕРІКТЕСТЕР

ZERO.KZ  

Политика конфиденциальности
                 БАРЛЫҚ ҚҰҚЫҚТАР ҚОРҒАЛҒАН. 2014 - 2017 © ASTANA EXPO 2017