Дубай 2020

Қазақстан Республикасының Дубайдағы Дүниежүзілік ЭКСПО-2020 көрмесіне қатысу туралы шартқа қол қойылды

Дүниежүзілік ЭКСПО көрмесі Дубай шаһарында 2020 жылдың 20 қазанынан 2021 жылдың 10 сәуірі аралығында «Болашақ үшін сана-сезімді біріктіру» тақырыбында, оның ішінде «Мүмкіндік», «Мобильділік» және «Тұрақтылық» деген ұғымдардан тұрады. Ұйымдастырушылар көрмені 25 млн. адам тамашалайды деп күтуде. Айта кетсек, ЭКСПО көрмесі Таяу Шығыста бірінші рет өткізілмекші.

Көрме кешені «үш жапырақ» пішінде ұсынылған және Біріккен Араб Әмірліктерінің павильоны, сондай-ақ, көрме ұғымдарына сай 3 тақырыптық кластер диаметрі 150 метрді құрайтын «Әл-Васл» плазасы орталық нысанының қасында орналасады. БАӘ павильонының жобасын испандық сәулетші Сантьяго Калатрава, «Мүмкіндік» павильонын – BIG (Bjarke Ingels Group), «Мобильділік» - Foster and Partners, «Тұрақтылық» - Grimshaw Architects жасады.

ЭКСПО кешенінің жалпы аумағы 438 га. құрайды. Оған 150 га. көлемінде көрме аумағы, сондай-ақ, жерүсті метро стансасы, «Dubai South Mall» сауда орталығы, тұрғын үй, логистикалық және қонақ үй нысандары кіреді.

Қазіргі уақытта, «ЭКСПО-2020 Дубай» көрмесіне 170 ел қатысатындығын растап, 55 ел келісімге қол қойған.

Естеріңізге сала кетейік, келісімге Дубайдағы Дүниежүзілік ЭКСПО-2020 көрмесіндеҚазақстан Республикасының Ұлттық секциясының бас комиссары, «Астана ЭКСПО-2017» ҰК» АҚ Басқарма Төрағасының орынбасары Аллен Шәйжүнісов пен «ЭКСПО-2020 Дубай» бюросының атқарушы директоры Наджиб Мохаммед әл-Әли қол қойды.


ЭКСПО-2020 Дубай көрмесіндегі Қазақстан секциясының Бас комиссары тағайындалды

«ЭКСПО-2020 Дубай» Бүкіләлемдік көрмесіндегі Қазақстан секциясының Бас комиссары болып Аллен Шайжүнісов тағайындалды.

Бұл туралы «Әділет» Қазақстан Республикасының нормативтік құқықтық актілерінің ақпараттық-құқықтық жүйесінің сайтында берілген ақпараттан белгілі болды.

Биылғы жылдың 2 қарашасында Қазақстан Премьер-Министрі Бақытжан Сағынтаев №704 «ЭКСПО-2020 Дубай» дүниежүзілік көрмесіндегі секцияның Бас комиссарынтағайындау туралы» 2017 жылғы 25 сәуірінің Қазақстан Республикасы Үкіметінің №224 қаулысына өзгерістер енгізу туралы» ҚР Үкімет қаулысына қол қойған. Осы құжатқа сай «ЭКСПО-2020 Дубай» дүниежүзілік көрмесіндегі секцияның бас комиссары ретінде «Астана ЭКСПО-2017» Ұлттық компаниясы» АҚ Ілгерілету және туризм департаментінің директоры - Аллен Шайжүнісов тағайындалды.



ЭКСПО 2017 әлеуметтік желіде
Тіркел! Оқы!
 
                 БАРЛЫҚ ҚҰҚЫҚТАР ҚОРҒАЛҒАН. 2014 - 2018 © ASTANA EXPO 2017